In october 2009 ha gnü lö üna visita oculara dals architects interessats vi d’üna concurrenza da progets per fabrichar intuorn l’Alp Sprella in üna chamonna dal CAS. 13 büros d’architectura da noss contuorns sun stats preschaints in Val Mora. Da quels han la fin finala 7 declerà da vögliair as partecipar e d’inoltrar üna proposta, tanter quels eir la dita indigena La Chasa. Als 19 favrer 2010 ha la güria tut cugnuschentscha ed examinà las lavuors inoltradas. L’incumbenza d’eira dificila, causa chi d’eira da mantgnair ils edifizis existents. La güria nun es però statta dal tuot persvasa ed ha perquai tschernü duos progets ch’ella ha retuornà als architects per tils surelavurar.
La seguonda sezzüda da la güria ha lura trat la decisiun definitiva. Chi chi ha guadagnà la concurrenza vain preschantà al public in venderdi, als 9 da lügl 2010 a las 17.00 in sala cumünala a Müstair. A quista preschantaziun saran preschaints eir ils architects chi dan pled e fat sur da lur progets. Il CAS invida a tuot la populaziun a visitar l’exposiziun ed impustüt eir per muossar il proget vendschader.
L’exposiziun es averta seguaintamaing:
| venderdi, 9 lügl |
17.00 - 19.00 |
| sonda, 10 lügl |
17.00 - 19.00 |
| lündeschdi, 12 lügl |
19.00 - 20.30 |
| marcurdi, 14 lügl |
19.00 - 20.30 |
| venderdi, 16 lügl |
19.00 - 20.30 |
CAS Engiadina Bassa Val Müstair