de-CH rm-CH
News
02

Ir in tura in nossas bellas muntognas es adüna darcheu fascinant ed unic. In nos cudeschin e sülla pagina d'internet das-chain nus publichar blers rapports da turas – bellas regordanzas da giuven e vegl, in viadi cun plaschair e buna cumpagnia. Ün grond grazcha fich a tuot ils scriptuors. In quist lö lessna invidar eir a Tai da partir las experienzas ed algordanzas da turas e da memorisar uschea ils bels ed unics mumaints illas muntognas. Bel sun natüralmaing eir adüna fotografias o disegns chi illustreschan ils raquints.

Per publichar daja duos pussibiltats.

  • Publichar pel cudeschin stampà dal CAS, chi cumpara 2 jadas l'on: Per simplifichar Tia e nossa redacziun chattast  quia ün formular digital per implir oura tuot las infuormaziuns necessarias per la publicaziun dal rapport da tura. Il formular po lura gnir tramis sülla via dad e-mail a redacziun@alpinist.ch.
  • Publichar quia sülla preschentscha d'internet pro's rapports da turas: At registrescha respectivmaing t'annuzcha quia; in seguit vezzast giosom la pagina ün formular per implir cun Teis text e per metter sü fotografias.

Nus ans allegrain sün Tias contribuziuns!

Cun salüds muntognards
Martina Peretti (marketing)

Actions: E-mail | Permalink |