de-CH rm-CH
Tourenberichte
Main » Turas da la Secziun » Rapport Details
  

Fergenkegel (2844 msm)

dadaint Klosters sur la Fergenhütte 28 settember 2013
Heinz Gross

Causa trid' ora vaiva Andri stuvü spostar la gita per duos eivnas. Las previsiuns dal taimp per dumengia deiran darcheu na las megldras, usché vain fat tuot la gita in sonda. Andri ha manà a Susi, Amalia, Duri ed a mai bain e sgür tras quista gita lunga da 1400 m dislivel e nouv suadas da rampignar. Stanguels e cuntaints eschan tuornats vers saira a Monbiel.

Partits amo aint il s-chür sü vers la chamonna vain ragiunt davo s-chars duos uras la Fergenhütte. Rinforzats d'ün bun Cappucino amo var ün'ura e mez fin pro'l grip. Montà chaplina, sezzin, slicks e crötschs ans ha spettà üna bella rampignada cun vista grondiusa. Il grip adüna fich compact, be tanteraint ün pa erba ümida - culs slicks da star fich atent da na sglischar oura. Il lös plü difficils rivan gia aint ila seguonda e terza suada, plattas ün pa glischas e finas ed ün pa plü stip sco'l rest. La plü bella suada, la "Himmelsleiter" es lura la terz' ultima e be per quella haja cunvgnü da gnir. Ourasom il spi, ün pa a dretta - ün pa a schnestra, ün mantun ajer frais-ch suot il chül ed üna vista grondiusa. Dal plaschair e la motivaziun dals partecipants dischan las fotografias daplü sco milli pleds...

Grazia Andri e flot cha vain pudü far insembel üna gita pro bell' ora ;-) 

Publizieren
 

Um einen Tourenbericht zu publizieren bitte zunächst hier registrieren. Falls bereits registriert, dann hier anmelden.