Daplü da 12 ons davo il cumainzamaint da las lavurs da proget per müdar intuon l'Alp Sprella in üna chamonna dal Club Alpin Svizzer (CAS) han las instanzas chantunalas e'l Cumün da Val Müstair uossa dat il permiss da fabrica pel proget.
La Val Mora es üna cuntrada da valur unica in Val Müstair e tras quai fich populara pro viandants e ve-locipedists da muntogna. Cun quai cha l'Alp nu vain gia dalönch plü nüzchada agricul, voul la secziun CAS Engiadina Bassa Val Müstair fabrichar intuorn ils edifizis da la chamonna e la stalla in üna cha-monna CAS e cun quai pussibiltar als giasts üna experienza unica in quista cuntrada faszinanta, dalöntsch davent dals cumüns gio la val.
Ils ons passats es quist proget plüssas jadas gnü surlavurà, redimensiunà ed optimà, uschè cha uossa es avantman ün proget da masüra, chi resguarda cun premura la cuntrada e natüra sensibla aint in Val Mora in tuot ils resguards. Ils müdamaint dals edifizis capita cun precauziun, uschè cha'l caracter po gnir mantgnü. Las capazitats per giasts e'ls uraris da gestiun resguardan optimal ils spazis da viver da la sulvaschina. Uschè es creschü ün proget chi cumbinescha ed unischa ils bsögns da protecziun e'ls inte-ress turistics cun gronda consonanza.
Il proget correspuonda fich bain eir culs böts da la UNESCO Biosfera Val Müstair. Il parc da natüra in-sembel cun la populaziun aspireschan ün svilup regiunal persistent e s'ingaschan perquai in divers chomps sco ün turissem da natüra e cultura, prodots regiunals, educaziun per ün svilup persistent e l'augmaint da valur da natüra e cuntrada.
A la fin ha l'intent dal CAS persvas tuot las instanzas chantunalas e cumünalas, uschè cha'l permis da fabrica ha pudü gnir dat. Ils cuosts da fabrica calculescha il CAS cun 2.5 miu. frs. Cun la via existenta fin pro la chamonna po la fabrica in concordanza cul guardgiasulvaschina gnir realisada cun precauziun e sainza transports cun elicopter.
inavo