Skip to main content

Tscherchà: Guardgiachamonna per la Chamonna Lischana

07.04.2023 News CAS/SAC
Tscherchà: Guardgiachamonna per la Chamonna Lischana

La secziun CAS Engiadina Bassa Val Müstair tschercha per la stagiun da stà 2024 ün/üna guardgiachamonna per la Chamonna Lischana.

La chamonna Lischana (2500 m.s.m) spordscha 42 plazzas da durmir e generescha raduond 2000 pernottaziuns l'on. Ella es averta dürant la stagiun da stà ed es ün'attracziun impustüt eir per giasts dal di.

Nus spettain:
-   abiltà da cuschinar per bleras persunas
-   talent organisatoric e commercial
-   caracter innovativ ed iniziativ, amiaivel e serviziaivel
-   indschegn per lavuors da mantegnimaint
-   experienza alpinistica

Nus spordschain:
-   üna chamonna cuntschainta e cun üna bun'infrastructura
-   ün contrat cun cundiziuns avantagiusas
-   ün'organisaziun da collavuraziun efficiainta

Las annunzchas sun da trametter fin la fin da mai 2023 a: Heinz Gross, "GC Lischana", Ruzön 191, 7530 Zernez obain per e-mail a presidi@alpinist.ch.

Las annunzchas ston cuntgnair las infuormaziuns üsitadas inclus fotografia, referenzas ed attestats d'abiltà.

La secziun CAS Engiadina Bassa Val Müstair s'allegra sün Tai.

inavo