La secziun CAS Engiadina Bassa Val Müstair tschercha a partir dals 1. december 2023 ün/üna guardgiachamonna per la Chamonna Tuoi.
La chamonna Tuoi (2250m.s.m) al pè dal cuntschaint Piz Buin cun 74 plazzas da durmir generescha sur 4000 pernottaziuns l'on. Ella es averta da stà e d'inviern ed es ün'attracziun per blers giasts da di.
Nus spettain:
- abiltà e plaschair da cuschinar per bleras persunas
- talent organisatoric e commercial
- innovativ ed iniziativ, amiaivel e serviziaivel
- indschegn per lavuors da mantegnimaint
Nus spordschain:
- üna chamonna cuntschainta e cun üna bun'infrastructura
- ün contrat cun cundiziuns modernas
- ün'organisaziun da collavuraziun efficiainta
Las annunzchas sun da trametter fin la fin da mai 2023 a: Heinz Gross, "GC Tuoi", Ruzön 191, 7530 Zernez obain per e-mail a presidi@alpinist.ch.
Las annunzchas ston cuntgnair las infuormaziuns üsitadas inclus fotografia, referenzas ed attestats d'abiltà.
La secziun CAS Engiadina Bassa Val Müstair s'allegra sün Tai.
inavo