de-CH rm-CH
Raports da turas
Main » Turas da la Secziun » Rapport Details
  

Piz Kesch (3418 msm)

sur la Porta d'Es-cha 7.4.2018
Claudia Janett
Dal s-chür aint il cler: La gita sül Piz Kesch ha cumanzà  bod: Las  5 eschna partits da Madulain davent cun glüms dal frunt. Il tschêl plain stailas, ed üna stailina es crodada. Svelt am n'haja giavüschà cha no rivan tuots sül piz e frischs e sans darcheu ingiò. Las cundiziuns d'eiran stupendas e las 10 eschna stats cun oters alpinists sül Piz Kesch chi'd es cuntschaint per sia bella vista. La skiada   es statta ün plaschair e pro la chamonna d'Es-cha haja dat üna  bavronda rinfrais-chanta. Darcheu a Madulain d'eiran no tuots grats cha meis giavüschs s'han accumplits plainamaing. Grazcha fich a nos manader da gita Roman Luzzi ed als cumpogns Felix Helg e Stephan Husy.
Publichar
 

Per far svess üna contribuziun per plaschair il prüm as registrar quia. Scha fingià resgistrà, ilura annunzchar quia.