de-CH rm-CH
Tourenberichte
Main » Turas da la Secziun » Rapport Details
  

Palü

Engiadina Ota 16.04.2016
Christoffel Denoth
La previsiun da l’ora per la tura sül Palü da dumengia ils 17.04. d’eira noscha, uschè cha nos manader Jachen-Andri ha decis da far la tura in sonda. El avaiva descrit la tura exemplaricamaing e miss pro fotografias cun tschêl blau, ma que nun ha güdà nöglia, sülla Diavolezza d’eira grisch ed i boffaiva da tuottas varts. Üna rotscha da skiunzs da turas esters s’avaivan miss in movimaint giò vers il vadret ed eu m’ha dit :" bom bom, sül Palü as vaja a tuottas oras." Quels han però svelt laschà ir a no ouravant. Jachen-Andri ans ha manà sü dal vadret, sü da furgnaclas, speravi a seracs e sur sfessas via, cun tuot cha be tanter ün boff e tschel as vezzaiva ün pa ingiò cha no d’eiran. Suot la costa dal depot da skis, sül "Schnapsbödeli" vaina lura dat sü. I s’ha demuossà cha vairamaing d’eiran be no sü quia da libra voluntà. Nos amis esters, manaders da turas, faivan ün cuors da repetiziun ed ils üns bramaivan plütost dad esser inavò in stüva choda. No vain lura tscherchà e chattà la via aval. Bainbod, passà giò il vadret Pers, ans rechataivan a la fin dal vadret da Morteratsch, ch’id es minch’on ün pa plü inaint. Da là vaina gnü üna ter chaminada fin our a Morteratsch e causa cha’l restorant d’eira serrà, ha que dat KK pür our’a Pontresina.
Partecipants :
Jachen-Andri Gisep manader, Duri Roner, Domenic Stecher, Simon Salzgeber, Reto Michael, Adrian Täschler ed eu.
Publizieren
 

Um einen Tourenbericht zu publizieren bitte zunächst hier registrieren. Falls bereits registriert, dann hier anmelden.