de-CH rm-CH
Tourenberichte
Main » Turas da la Secziun » Rapport Details
  

Weisskugel (3738 msm)

Vnuost, Val Langtaufers 10.04.2016
Christoffel Denoth
Dad adurezzas cun glüminas da frunt eschna its da quista val aint, sco scha no vessan involà alch. Dasperavia a l’alp Melag, aint da costas stipas e sü dal vadret (traget eir da stà, ruta ost). La s-chalinada stantusa sü vers il piz ha lura talmaing frenà, tant cha minchün giaiva plan siou. Casü ün furmier. Amo blers oters vaivan chattà la via sü da la vart dal süd. Ün mumaint, cur cha la crusch d'eira libra, vaina dafatta pudü far la fotografia da cumpagnia. Fand la traversada, vaiva que adüna darcheu nom: « scusa » di qui e « grazia » di là. Via sülla naiv eschna partits da la foura giò ed a dretta suotaint vers la fuorcla tanter il Bärenbartkopf e la Weisskugel . Aval han güdà tuot ils sonchs (qui oura daffatta) e bainbod, davo ün per pass a pè, d'eiran our' a Melag pro las bavrondas.
Da la partida d’eirna: Roman Luzzi manader, Chasper Ans Gaudenz, Reto Michael, Claudia Janett, Adrian Täschler, Simon Salzgeber ed eu.
Publizieren
 

Um einen Tourenbericht zu publizieren bitte zunächst hier registrieren. Falls bereits registriert, dann hier anmelden.