de-CH rm-CH
Tourenberichte
Main » Turas da la Secziun » Rapport Details
  

fin d'eivna cun Not

Tuoi, Egghorn 13/14.3.2010

Partids cun ora da bellezza sü vers la fuorcla dal Minchun eschan fingià gnüds filmads da la televisiun. Sco chi's dudiva esa gnü fat il film prinzipal pel open air quista sta...

Rivads our in Valmala ans vaina rinforzads per muntar aint d'Urezzas. Ils üns sun ids cun Not direct sur la Furcletta in Tuoi, intant cha quels chi levan amo gnir stanguels sun ids cun Armon aint intuorn il piz Urezzas a verer amo la Jamspitze plü da strusch. I's ha trat sü nüvlas, mo davo tut jo las pels es la vezzüda darcheu statta buna e la naiv eir, per far la skiada jo'n Tuoi.

Davo üna stupenda tschaina vaina passantà üna buna not ed eschan partids la daman davo sü vers il Plan Rai. I gniva incunter ün ventatsch ed i nu's ha vis ad ingün a trar oura la jacca. Eir cun far la posa aint illa cudera nun ha tschüff chod ingün usche cha no vain bainbod darcheu cuntinuà sur il pass Silvretta sül Egghorn.

Rivads sül piz ha dafatta il vent fat la posa e tuots han giodü la vista da belezza. Divers han per sgürezza portà sü ils skis ma dafatta Armon tils ha darcheu portads jo il prüm toc.

Bainbod eschan rivads al prossem lö d'acziun. Id es gnüda in vigur la sua cha Chasper e Jon han portà davo. In's han suads jo dal vadret da Tiatscha. Passond jo per costas stipas, our per bels plans e finalmaing jo da la via eschan rivads culs skis fin jo Lavin.

Davo üna posa il bistro ans vaina darcheu sparpagliads.

Grazcha fich Not per quista stupenda fin d'eivna.

Publizieren
 

Um einen Tourenbericht zu publizieren bitte zunächst hier registrieren. Falls bereits registriert, dann hier anmelden.